Шүүгчийн захирамжийн огноо, дугаар: 2023.02.27-ны өдрийн 128/ШЗ2023/2001

     Захирамжийн төлөв: Хүчин төгөлдөр болсон

     2023.03.21 Процессын тойм-5

     Баянгол дүүргийн прокурорын газрын хяналтын прокуророос тус шүүхэд хандан “Эрх бүхий албан тушаалтны шийтгэл оногдуулсан шийдвэрт өөрчлөлт оруулах тухай” 115 дугаар дүгнэлтийг ирүүлжээ.

     Прокурорын дүгнэлтийн агуулгаас үзэхэд, “татварын улсын байцаагч О нь 069074 дугаартай шийтгэлийн хуудсаар холбогдогч М ХХК-д шийтгэл оногдуулахдаа “Шийдвэрлэх нь” хэсэгт төрийн сангийн дансны дугаарыг бичээгүй орхигдуулсан байх тул шийтгэлийн хуудаст өөрчлөлт оруулах үндэслэлтэй байна” гэжээ.

     Шүүхээс “Зөрчил шалган шийдвэрлэх тухай хуулийн 7.2 дугаар зүйлийн 8 дахь хэсгийн “... шийтгэл оногдуулсан шийдвэрийг ... өөрчлөх үндэслэлтэй” гэдэгт тухайн шийтгэлийн хуудасны хэлбэрт тавигдах техникийн шинжтэй буюу бичилтийн алдаа зэрэг илэрхий алдааг захиргааны хэргийн шүүхэд хандаж засварлуулах агуулга хамаарахгүй. Харин эрх бүхий албан тушаалтнаас гаргасан шийтгэлийн хуудас нь захиргааны акт болохын хувьд Захиргааны ерөнхий хуулийн 45 дугаар зүйлийн 45.1 дэх хэсэгт “Захиргааны актын бичилт болон тооцооны алдаа, түүнтэй адилтгаж болохоор өөр бусад илэрхий алдааг захиргааны актын үндсэн зохицуулалт, утга, агуулгыг өөрчлөхгүйгээр захиргааны байгууллага өөрөө, эсхүл оролцогчийн хүсэлтээр засах эрхтэй бөгөөд уг засварыг оролцогчид мэдэгдэх үүрэгтэй” гэж зааснаар тухайн шийтгэлийн хуудасны илэрхий алдааг засах эрх хэмжээг улсын байцаагчид олгосон байх тул эрх бүхий албан тушаалтанд      Прокурорын тухай хуулийн 35 дугаар зүйлд заасан прокурорын шаардлага хүргүүлэх замаар асуудлыг шийдвэрлэх боломжтой” гэж дүгнэв.

     Иймд, Захиргааны хэргийн шүүхээр шийдвэрлүүлэх шаардлагатай эрх зүйн маргаан биш байх тул шүүх Захиргааны хэрэг шүүхэд хянан шийдвэрлэх тухай хуульд заасны дагуу “захиргааны хэргийн шүүхийн харьяаллын бус” гэдэг үндэслэлээр прокурорын дүгнэлтийг хүлээн авахаас татгалзаж шийдвэрлэв.

                             Тойм бэлтгэсэн: Нийслэл дэх Захиргааны хэргийн анхан шатны шүүхийн шүүгч Т.Мөнх-Эрдэнэ