Нийслэл дэх Захиргааны хэргийн анхан шатны шүүхийн Тамгын газрын даргын 2023 оны 03 дугаар сарын 21-ний өдрийн А/39 дугаар тушаалаар байгуулагдсан ажлын хэсэг 2023 оны 04 дүгээр сарын 03-ны өдрөөс эхлэн салбар архивд хадгалагдаж буй хэрэг, баримтын нэгдсэн тооллогыг явуулж байна.

       Энэхүү тооллогын хүрээнд тус шүүхийн тамгын газрын архивд хадгалагдаж буй хадгаламжийн нэгжийн бодит тоог тогтоох, тоо бүртгэлийн баримт бичигт тусгагдсан тоотой тохирч буй эсэхийг шалгах, механик болон биологийн гэмтлээс урьдчилан сэргийлэх, сэлбэн засах шаардлагатай баримтыг илрүүлэх, цаашид авах арга хэмжээг тодорхойлох зорилготой юм.

        Архивын баримтад нэгдсэн тооллого явуулах ажлын төлөвлөгөөний дагуу 2023.04.25 өдрийн байдлаар 2020-2022 оны захиргааны хэрэг, эрх зүйн актын өнгөн хувь нийт 4,581 хадгаламжийн нэгжийг тоолоод байна.

НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ

ШҮҮХИЙН ТАМГЫН ГАЗАР