2023 оны 05 дугаар сарын 23-ны өдөр Америкийн Нэгдсэн Улсын муж улсуудын шүүхийн үндэсний төвийн төлөөлөгчид буюу Америкийн Нэгдсэн Улсын Муж улсуудын шүүхийн үндэсний төвийн Гүйцэтгэх дэд ерөнхийлөгч бөгөөд үйл ажиллагаа эрхэлсэн захирал Майкл Буэнгер, Америкийн Нэгдсэн Улсын муж улсуудын шүүхийн үндэсний төв, шүүхийн ёс зүйн төвийн захирал Дэвид Сакар, Америкийн Нэгдсэн Улсын Нью Хэмпширийн Дээд шүүхийн Ерөнхий шүүгч Гордон МакДональд нар Нийслэл дэх захиргааны хэргийн анхан шатны шүүхэд зочилж, шүүхийн үйл ажиллагаатай танилцан, Шүүхийн ерөнхий зөвлөлийн гүйцэтгэх нарийн бичгийн дарга Р.Батрагчаа, Нийслэл дэх захиргааны хэргийн анхан шатны шүүхийн Тамгын газрын дарга, Монголын шүүхийн захиргааны ажилтны холбооны тэргүүн Н.Батхүү, тус холбооны удирдах зөвлөлийн гишүүдийн төлөөлөлтэй уулзлаа.

            Энэхүү уулзалтаар Монголын шүүхийн захиргааны ажилтны холбооны тэргүүн, удирдах зөвлөлийн гишүүдийн төлөөлөл Америкийн Нэгдсэн Улсын Шүүхийн Үндэсний төвийн төлөөлөгчдийг хүлээн авч хоорондын хамтын ажиллагаа болон шүүхийн үйл ажиллагааг үр өгөөжтэй болгоход шүүхийн захиргааны ажилтны оролцоо, төвийн зүгээс үзүүлэх туслалцаа зэрэг асуудлуудын хүрээнд ярилцав.

 НИЙСЛЭЛ ДЭХ ЗАХИРГААНЫ ХЭРГИЙН

АНХАН ШАТНЫ ШҮҮХИЙН ТАМГЫН ГАЗАР