Шүүхийн ерөнхий зөвлөлийн гүйцэтгэх нарийн бичгийн даргын 2023 оны 05 дугаар сарын 25-ны өдрийн А/45 дугаар тушаалын хавсралтаар батлагдсан удирдамжийн хүрээнд Нийслэл дэх Захиргааны хэргийн анхан шатны шүүхийн Тамгын газраас 2023 оны 06 дугаар сарын 07-ны өдөр “Нээлттэй шүүх” өдөрлөгийг зохион байгууллаа.

        Тус өдөрлөгт Дотоод хэргийн их сургуулийн Эрх зүй, Нийгмийн ухааны сургууль болон Их засаг Олон Улсын их сургуулийн хууль зүйн сургуулийн 3-4 дүгээр түвшний оюутнууд буюу цаашид шүүхийн байгууллагад ажиллах хүсэл, сонирхолтой оюутнууд хүрэлцэн ирж, шүүхийн үйл ажиллагаа, онцлог, бүтэц, зохион байгуулалт болон шүүхийн байр, шүүх хуралдааны танхим, шүүхийн захиргааны ажилтны албан тасалгаа зэргийг танилцууллаа.

       “Нээлттэй шүүх” өдөрлөгийг тус шүүхийн үйлчилгээний хэлтсийн дарга Н.Амаржаргал шүүх, шүүхийн Тамгын газрын товч танилцуулгыг хүргэж, хүрэлцэн ирсэн оюутнуудад Нийслэл дэх Захиргааны хэргийн анхан шатны шүүхийн шүүгч Т.Мөнх-Эрдэнэ “Шүүхийн тухай ойлголт, Шүүхийн эрхэм зорилго хүний эрх, эрх чөлөөг хамгаалах, зөрчигдсөн эрхийг сэргээн эдлүүлэх” зэрэг сэдвүүдээр ерөнхий ойлголтыг өгч нээлттэй яриа өрнүүллээ. Мөн тус шүүхийн шүүгчийн туслах Т.Батсүмбэр-Уул “Хэрэг хүлээн авахаас шийдвэрлэх хүртэлх шүүхийн процесс ажиллагааны талаар оюутнуудад ерөнхий мэдлэг олголоо.

 НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ

ШҮҮХИЙН ТАМГЫН ГАЗАР