Монгол Улсын Их сургуулийн Хууль зүйн сургуулийн Эрх зүй ангийн тавдугаар дамжааны оюутнууд болон Их Засаг Олон Улсын Их сургуулийн Хууль зүйн сургуулийн Эрх зүйн ангийн оюутнууд 2023 оны 09 дүгээр сарын 19-ний өдөр Нийслэл дэх Захиргааны хэргийн анхан шатны шүүхийн байр, ил тод нээлттэй байдал, шүүхийн өдөр тутмын үйл ажиллагаа болон “Цахим хөтөч”, “Медиа хөтөч” болон бусад үйл ажиллагаатай танилцлаа.

   Тус оюутнуудад Шүүхийн зохион байгуулалт хариуцсан мэргэжилтэн Э.Азбаяр шүүхийн үүсэл хөгжил, бүтэц орон тоо, шүүхийн үйлчилгээний талаар мэдээллийг өгч шүүхийн байр болон шүүх хуралдааны танхимуудыг танилцуулсан бөгөөд мөн тус шүүхийн  шүүгч Н.Дамдинсүрэн хуульч, эрх зүйч мэргэжил, тэр дундаа шүүгч, шүүхийн захиргааны ажилтны ажлын  онцлог, давуу тал нийгэмд гүйцэтгэх үүргийн тухай болон хэрэг хянан шийдвэрлэх ажиллагааны талаар холбогдох хууль журмыг тайлбарлаж, цаашид мэргэжлээрээ болон шүүхийн байгууллагад ажиллах хүсэлтэй оюутнуудын сонирхсон асуултад хариулт өглөө.

НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХ