Нийслэл дэх Захиргааны хэргийн анхан шатны шүүхийн Тамгын газраас зохион байгуулсан Хуульчийн мэргэжлийн шалгалт өгөх шүүхийн захиргааны албан хаагч нарт зориулсан Захиргааны эрх зүйн бодлого бодох аргачлал, Иргэний эрх зүйн бодлого бодох аргачлал, Эрүүгийн эрх зүйн бодлого бодох аргачлалын талаарх сургалтыг 6 өдөр амжилттай зохион байгуулж өндөрлөлөө.

   Захиргааны эрх зүйн бодлого бодох аргачлалын талаарх сургалтыг тус шүүхийн шүүгч Т.Мөнх-Эрдэнэ, Иргэний эрх зүйн бодлого бодох аргачлалын талаарх сургалтыг Сонгинохайрхан дүүргийн Иргэний хэргийн анхан шатны шүүхийн Ерөнхий шүүгч Б.Хишигбаатар, Эрүүгийн эрх зүйн бодлого бодох аргачлалын талаарх сургалтыг Нийслэлийн Эрүүгийн Давж заалдах шатны шүүхийн шүүгч Ц.Оч нар удирдан явууллаа.

    Уг сургалтад 3 шүүхийн 27 захиргааны албан хаагчид хамрагдсан бөгөөд Захиргааны эрх зүй, Иргэний эрх зүй, Эрүүгийн эрх зүйн чиглэлээр тохиолдол шийдвэрлэх, бодлого бодоход анхаарах асуудлуудын талаар холбогдох мэдээ мэдээллүүдийг өгсөн үр дүнтэй сургалт болж өндөрлөлөө.

   Хуульчийн мэргэжлийн шалгалт өгөх шүүхийн захиргааны албан хаагч нартаа амжилт хүсье.

НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХ