Нийслэл дэх Захиргааны хэргийн анхан шатны шүүхийн шүүгчийн туслахуудын үйл ажиллагаанд хэргийн хөдөлгөөний удирдлагын чиглэлээр дотоод хяналт, шалгалт хийсэн үр дүнг Тамгын газрын Шүүхийн үйлчилгээний хэлтсийн дарга Н.Амаржаргал 2023 оны 11 дүгээр сарын 20-ны өдөр танилцуулж, цаашид авах арга хэмжээний талаар чиглэл өглөө.

    Тус шүүх нь нийслэлийн нийт хүн амд үйлчилгээ үзүүлж, ачаалал ихтэй ажилладаг тул хэрэг хянан шийдвэрлэх ажиллагааг түдгэлзүүлсэн хэргүүдэд төдийлөн хүрч ажиллаж чадахгүй байгааг тамгын газраас уг доголдлыг арилгахад чиглэсэн үр дүнтэй ажил хэрэгжүүлж, шинээр туслах болсон албан хаагчдад дэмжлэг үзүүлсэн,  хэргийн оролцогчдод чиглэсэн үр дүнтэй ажил боллоо. 

  Тодруулбал: Захиргааны хэрэг хянан шийдвэрлэх тухай хуулийн 65 дугаар зүйлийн 65.1-д “хэрэг хянан шийдвэрлэх ажиллагааг түдгэлзүүлэх” үндэслэлүүдийг заасан бөгөөд тус шүүхэд нийт түдгэлзүүлсэн 143 хэрэг байгаагаас дотоод хяналт шалгалтын үр дүнд түдгэлзүүлсэн шалтгаан арилсан 7 хэргийн хэрэг хянан шийдвэрлэх ажиллагааг сэргээж, ажиллагаанд орууллаа.

НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХ