ИХ БАГА БАЯНШАРГА" НҮ ТББ-аас “...“Гурвансайхан” ХХК-д Цацраг идэвхт ашигт малтмал ашиглах MV-020629, MV-020631, MV 020633, MV-020634 тоот ашиглалтын тустай зөвшөөрлүүдийг холбогдох хуулиудын нийт 100 орчим зүйл, заалтыг зөрчсөн” хэмээн тус шүүхэд нэхэмжлэл гаргасан байх бөгөөд энэ асуудлаар Дундговь аймгийн сумдын малчин иргэд сумынхаа удирдлагуудтай хамтарч Ерөнхийлөгч асан Н.Багабандиас эхлээд одоогийн Ерөнхий сайд Л.Оюун-Эрдэнийг хүртэлх төрийн холбогдох эрх бүхий байгууллагад тустай зөвшөөрлийг цуцлуулахаар 20 жил тэмцсэн ч ямар ч үр дүнд хүрээгүй байна.  

  Улмаар шүүхийн шүүгч А.Мөнх-Өлзий 2023 оны 3 дугаар сарын 30-ны өдрийн 308 дугаар шийдвэрээр ИХ БАГА БАЯНШАРГА" НҮ ТББ-аас гаргасан дээрх нэхэмжлэлийн шаардлагыг хангаж, тусгай зөвшөөрлүүдийг цуцалж шийдвэрлэсэн байх ба дараагийн хоёр шатны шүүх анхан шатны шүүхийн шийдвэрийг хянаж үзээд хэвээр үлдээж шийдвэрлэжээ.

  Нэхэмжлэгч ИХ БАГА БАЯНШАРГА" НҮ ТББ-ын тэргүүн Л.Бороос 2023 оны 11 дүгээр сард тус шүүхийн Тамгын газарт албан бичгээр шүүгч А.Мөнх-Өлзийг “..хараат бус байж, хуулийн дагуу хэргийг шударгаар шийдвэрлэж, ард иргэдийн эрүүл аюулгүй орчинд амьдрах үндсэн хуулиар баталгаажсан нийтийн эрх ашгийг хамгаалсан шударга шийдвэр гаpгалаа” хэмээн талархал илэрхийлж, амьдралд нь хамгийн сайн сайхан бүхнийг чин сэтгэлээсээ хүссэн байна.