Монгол Улсын Ерөнхийлөгчийн 2023 оны 12 дугаар сарын 28-ны өдрийн 152 дугаар зарлигаар Нийслэл дэх Захиргааны хэргийн анхан шатны шүүхийн шүүгчийн албан тушаалд Алтанцэцэгийн Ганзоригийг томилж,  шүүгчийн тангараг өргөх ёслолын ажиллагааг 2024 оны 01 дүгээр сарын 02-ны өдөр тус шүүхийн байранд зохион байгуулав.

         Шүүгчийн тангараг өргөх ёслолын ажиллагааг тус шүүхийн Тамгын газрын дарга Н.Батхүү удирдаж, Монгол Улсын Ерөнхийлөгчийн зарлигийг уншиж сонордуулан шүүгч тангараг өргөснөөр Монгол Улсын шүүхийн тухай хуулийн 38 дугаар зүйлийн 38.1-т зааснаар А.Ганзоригийн шүүгчийн бүрэн эрх нь эхэлж байна. 

       Тангараг өргөх ёслолын ажиллагаанд тус шүүхийн Ерөнхий шүүгч Н.Дуламсүрэн баяр хүргэн үг хэлж, ажлын амжилт хүсэв. Уг ёслолын ажиллагаанд тус шүүхийн нийт шүүгч, шүүхийн захиргааны ажилтнууд, иргэдийн төлөөлөл оролцлоо.

  НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХ