Нийслэлийн ерөнхий боловсролын 24 дүгээр сургуулийн 12 дугаар ангийн сурагчид 2024 оны 04 дүгээр сарын 02-ны өдөр Нийслэл дэх Захиргааны хэргийн анхан шатны шүүхийн байр, шүүхийн өдөр тутмын үйл ажиллагаатай танилцлаа.

      Сурагчдад Шүүхийн үйлчилгээний хэлтсийн дарга Н.Амаржаргал, Олон нийттэй харилцах мэргэжилтэн Э.Мөнхзавъяа нар шүүхийн үүсэл хөгжил, бүтэц, орон тоо, шүүхээс иргэдэд үзүүлдэг үйлчилгээнүүдийн талаар мэдээлэл өгөн шүүх хуралдааны танхим болон шүүхийн байрыг танилцуулав.

     Мөн тус шүүхийн шүүгч Б.Адъяасүрэн сурагчдыг хүлээн авч уулзаж хуульч мэргэжил, шүүхийн захиргааны ажилтан, шүүгчийн ажлын давуу тал болон онцлогийн талаар мэдээлэл өглөө.

 Нийслэл дэх Захиргааны хэргийн анхан шатны шүүхийн Тамгын газар