Нийслэл дэх Захиргааны хэргийн анхан шатны шүүхийн Тамгын газраас Шүүхийн иргэдийн төлөөлөгч нарт зориулсан ээлжит сургалтыг 2024 оны 05 дугаар сарын 16-ны өдөр Чингэлтэй дүүрэг болон Сүхбаатар дүүргийн Засаг даргын Тамгын газрын хурлын танхимд зохион байгууллаа.

     Сургалтыг шүүхийн Үйлчилгээний хэлтсийн дарга Н.Амаржаргал нээж, Шүүгчийн туслах Т.Амин-Од, У.Пүрэвханд, М.Ренчинмядаг, Х.Цэцэгсүрэн нар удирдан явуулав.

     Уг сургалтаар Захиргааны шүүхийн талаарх товч танилцуулга, онцлог, шүүхийн иргэдийн төлөөлөгч гэж хэнийг ойлгох, шүүхийн иргэдийн төлөөлөгчийн оролцоо, эрх, үүрэг, ач холбогдол, иргэдийн төлөөлөгчид олгох цалин хөлсний талаар холбогдох мэдээлэл хүргэж, гарын авлага тараалаа.

       Сургалтад 2 дүүргийн 100 гаруй иргэн хамрагдаж, шүүхийн Тамгын газрын ажилтнууд сургалтын үеэр иргэдээс сонирхсон асуултад хариулж ажиллалаа.

Нийслэл дэх Захиргааны хэргийн анхан шатны шүүхийн Тамгын газар