Нийслэл дэх Захиргааны хэргийн анхан шатны шүүхийн Тамгын газраас Шүүхийн иргэдийн төлөөлөгч нарт зориулсан ээлжит сургалтыг өнөөдөр буюу 2024 оны 05 дугаар сарын 22-ны өдөр зохион байгууллаа.

      Шүүхийн үйлчилгээний хэлтсийн дарга Н.Амаржаргал сургалтыг нээн Захиргааны хэргийн шүүхийн онцлог, үйл ажиллагааг танилцуулж, тус шүүхийн Ерөнхий шүүгчийн туслах Н.Энхмэнд, Б.Бүжинлхам нар шүүхэд иргэдийн төлөөлөгчөөр оролцох тухай сургалтыг удирдан явуулав.

      Сургалтад Сонгинохайрхан дүүргийн хороодоос Улсын бүртгэлийн нэгдсэн системээс санамсаргүй түүврийн аргаар сонгогдсон шүүхийн иргэдийн төлөөлөгчөөр сонгогдсон 50 гаран иргэн оролцов.

     Уг сургалтаар Шүүхийн иргэдийн төлөөлөгчийн эрх зүйн байдлын тухай хууль, Шүүхийн иргэдийн төлөөлөгчийг сонгон шалгаруулах, ажиллуулах журмыг танилцуулж, Захиргааны шүүхийн онцлог, шүүхийн иргэдийн төлөөлөгч гэж хэнийг ойлгох, шүүхийн иргэдийн төлөөлөгчийн оролцоо, эрх, үүрэг, ач холбогдол, шүүх хуралдаан дээр санал, дүгнэлт гаргахад анхаарах асуудал болоод иргэдийн төлөөлөгчид олгох цалин хөлсний талаар холбогдох мэдээллийг өглөө.

Нийслэл дэх Захиргааны хэргийн анхан шатны шүүхийн Тамгын газар