Нийслэл дэх захиргааны хэргийн анхан шатны шүүхийн Шүүгчийн туслах Б.Туул, У.Пүрэвханд, П.Ган-Эрдэнэ, Шүүх хуралдааны нарийн бичгийн дарга О.Тэмүүлин нар Монгол Улсын Дээд шүүхийн нийт шүүгчдийн хуралдааны 2023 оны 04 дүгээр сарын 14-ний өдрийн 18 дугаар тогтоолыг бусад Шүүгчийн туслах, Шүүх хуралдааны нарийн бичгийн дарга нарт танилцуулах сургалт, ярилцлагыг зохион байгууллаа.

     Уг сургалтаар Захиргааны хэрэг шүүхэд хянан шийдвэрлэх тухай хууль дахь “нотлох баримтаас хасах”, “захиргааны актын биелэлт түдгэлзүүлэх”, “шүүгчийн захирамж, шүүхийн тогтоолд өөрчлөлт оруулах, засварлах”, “шүүхийн шийдвэр гардан авсан хугацаа тоолох журам”, “Шүүгчийн захирамж, шүүхийн тогтоолыг хүчингүй болгох”-той холбоотой сэдвүүдийг дэлгэрэнгүй тайлбарлаж, практикт тохиолддог кейсүүдийн талаар ярилцав. 

 Нийслэл дэх Захиргааны хэргийн анхан шатны шүүхийн Тамгын газар