Нийслэл дэх захиргааны хэргийн анхан шатны шүүхээс 2024 оны 10 дугаар сарын 04-ний өдөр шүүхийн иргэдийн төлөөлөгчдөд зориулсан сургалт болон өдөрлөгийг Монгол Улсын дээд шүүх, Захиргааны хэргийн давж заалдах шатны шүүхийн тамгын газартай хамтран зохион байгууллаа.

      Тус өдөрлөгөөр шүүхийн иргэдийн төлөөлөгчид Захиргааны хэргийн давж заалдах шатны шүүх болон Нийслэл дэх Захиргааны хэргийн анхан шатны шүүх, шүүхийн тамгын газрын үйл ажиллагаа, шүүхийн байртай танилцаж, сонирхсон асуултдаа хариулт авч, холбогдох мэдээллийг авлаа.

      Мөн Нийслэл дэх захиргааны хэргийн анхан шатны шүүхийн хэргийн хөдөлгөөний хэлтсийн дарга Э. Азбаяр Шүүхийн байгууллага гэж юу вэ, Шүүх хуралдааны дэг, Шүүхийн иргэдийн төлөөлөгчийн хараат бус байдал, нөлөөллийн мэдүүлгийг хэрхэн хөтлөх, шүүхийн иргэдийн төлөөлөгчийг сонгон шалгаруулах, тангараг өргөх, цалин хөлс олгох болон хэрэг хянан шийдвэрлэх ажиллагаанд оролцох шүүхийн иргэдийн төлөөлөгчийн оролцоо зэрэг асуудлаар мэдээлэл өгч, сургалтыг зохион байгууллаа.

 Нийслэл дэх захиргааны хэргийн анхан шатны шүүх