Нийслэл дэх Захиргааны хэргийн анхан шатны шүүхийн Тамгын газраас шүүхийн захиргааны ажилтнуудад зориулсан дотоод сургалтыг 2024.10.03-04-ний  өдрүүдэд зохион байгууллаа.

     Сургалтыг Шүүхийн үйлчилгээний хэлтсийн дарга Н.Амаржаргал шүүхийн захиргааны ажилтнуудад “Төрийн болон албаны нууц, шүүхийн нууцын тухай”, “Баримт бичгийн стандарт, зохион бүрдүүлэх, баримт бичгийн найруулга зүй” сэдвээр, Шүүгчийн туслах У.Пүрэвханд “Нотлох баримт цуглуулах ажиллагаа” /Газар, Зөрчил/-ны талаарх сургалтыг тус тус зохион байгууллаа.

    Уг сургалтаар баримт бичиг боловсруулахад баримтлах стандарт, анхаарах асуудал, баримт бичиг бүрдүүлэх болон баримт бичгийн найруулга зүй, төрийн болон албаны, байгууллагын нууцын тухай ойлголт, шүүхийн нууцад хамаарах мэдээлэл, танилцах эрх бүхий ажилтан, иргэний эрх үүрэг, нууцын хэрэг баримтын ашиглалт, хадгалалт, хамгаалалтын талаар болон хэргийн материалд дүн шинжилгээ хийж, цаашид газрын маргаан, зөрчлийн маргааныг хянан шийдвэрлэхэд ямар нотлох баримт цуглуулах болон анхаарах асуудлын талаар шүүхийн захиргааны албан хаагч нарт мэдлэг, мэдээлэл өгч, харилцан ярилцлаа.

 НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХ