Нийслэл дэх Захиргааны хэргийн анхан шатны шүүхийн Тамгын газрын 2024 оны гүйцэтгэлийн төлөвлөгөөнд тусгагдсан ажлын хүрээнд 2024 оны 10 дугаар сарын 09-ний өдөр Нийслэлийн ерөнхий боловсролын 2 дугаар сургууль болон Olula School by TomYo сургуулиудын 12 дугаар ангийн сурагчдыг Нийслэл дэх Захиргааны хэргийн анхан шатны шүүхийн байр, шүүхийн өдөр тутмын үйл ажиллагаатай танилцууллаа.

    Сурагчдад олон нийттэй харилцах мэргэжилтэн Б.Төгсбуянжаргал, Шүүхийн үйлчилгээний ажилтан М.Бат-Эрдэнэ нар шүүхийн үүсэл хөгжил, бүтэц, орон тоо, шүүхээс иргэдэд үзүүлдэг үйлчилгээнүүдийн талаар мэдээлэл өгөн шүүх хуралдааны танхим болон шүүхийн байрыг танилцуулж, тус шүүхийн шүүгч Х.Нямдэлгэр сурагчдыг хүлээн авч уулзаж хуульч мэргэжил, шүүхийн захиргааны ажилтан, шүүгчийн ажлын онцлогийн талаарх мэдээлэл өгч, сурагчид хүссэн асуултаа асууж мэдээлэл авлаа.

 Сурагчдадаа сурлагын амжилт хүсье

Нийслэл дэх Захиргааны хэргийн анхан шатны шүүхийн Тамгын газар