Шүүгч, ажилтнуудын эрүүл, аюулгүй байдлыг хангах зорилгоор  тус шүүхийн тамгын газраас ажилтнуудаа урьдчилсан сэргийлэх үзлэг, оношлогоо, эрүүл мэндийн сургалтад тогтмол хамруулдаг уламжлалтай.

     Энэ ажлын хүрээнд тус шүүхийн эмч Н.Эрдэнэтуяа “Эрүүл амьдралын хэв маяг” сэдэвт сургалт зохион байгуулав. Сургалтын үеэр хүний амьдралын өдөр тутмын буруу дадал зуршил аливаа өвчний суурь болдог талаар харилцан ярилцаж, 2019 оны монгол улсын эрүүл мэндийн статистик тоо баримт дээр тулгуурлан мэдээ мэдээлэл өгсөн юм.  

     Хэдийгээр  бид нийгмээ дагаад бухимдал, гомдол, стресс ихтэй ажиллаж амьдарч байгаа ч гэсэн эрүүл амьдралын хэв маягийг дадал зуршил болгосноор олон өвчнөөс урьдчилан сэргийлэх боломжтой. Иймд өдөр тутамдаа хоолны дэглэм, биеийн тамирын дасгал, стресс, нойргүйдэл зэргийг удирдаж, өөрт үр ашигтайгаар тэнцвэржүүлэх боломжийг хэрхэн бий болгох талаар харилцан ярилцсан үр дүнтэй сургалт болж өндөрлөлөө.